كيفية عمل اكلة البشاميل.!~

السسسسلام عليكم ان شالله يعجبكم
تفضلووووو المكوووونااات
أولا..البشاميل
4 أكواب حليب (والمفضل الحليب الطازج السائل) وإذا مافيه نذوب الحليب الجاف (نيدو)
6 ملاعق طعام طحين أبيض
10 ملاعق طعام زيت
وذرة ملح (ربع ملعقة صغيرة)
وطبعاً نخلط كل هالكمية مع بعض قبل مانحطها على النار...ويوم نشوف الخليط تجانس
نحطه على نار هاديه وايد..ونستمر بتقليبها..لحد مانشوف انه الخليط بدء يصير أثقل
يعني بيصير نفس الكريما..أو المهلبيه ونبند عنه النار ونخليه على جنب..
ثانيا..الحشوة
1. حشوة اللحم..وهذي نستخدم فيها ..
لحم مفروم
بصلة كبيرة وحده + ثوم
فلفل أخضر (لمحبي الأكل الحار)
فلفل رومي
كزبرة
طماطم
صلصل
بهارات مشكلة
وفيه ورق يبيعونه في سوق الخضره...تبون الصدج ماأعرف أسمه بس يعطي
الأكل ريحه حلوه..

2. أما إذا حشوة الدجاج..
دجاج مسلوق
علبة فطر
بصلة كبيرة وحده + ثوم
فلفل أخضر (لمحبي الأكل الحار)
فلفل رومي
كزبرة
طماطم
بهارات مشكلة
في حشوة الدجاج ماأحط فيها صلصل لأني أحس تطلع أحلى من دون صلصل

الفطر لحشوة الدجاج...وكوب الجبن أخلطه ويا المكرونه
الطريقة..
نقلي البصل + الثوم
بعدين نحط بقيت المكونات ونقليهن مع بعض..بعدين نحط البهارات بعدها اللحم المفروم أو الدجاج
إللي أكون قطعته صغير وايد..وأخر شيء أحط الصلصل
وأخلي فوقه شوي ماي..وأخليه يطبخ لحد ماينشف الماي وتصير الحشوه ناشفه شوي..وأخليها ع جنب
ثالثا..المكرونه
ومن المفضل المعكرونه إللي حبها صغير..
أطبخها في ماي وشوية ملح..لحد مااتأكد من نضجهاا..وأصفيها من الماي..
بعدين أحطها في قدر بعد ماتنش من الماي وأصب عليها الباشاميل

ونجيب صحن الفرن...ونحط نص المعكرونه إللي مخلوطه بالباشاميل
وعقب أحط فوقهاا الحشوة (سواء حشوة الدجاج أوحشوة اللحم)

بعدين الكمية إللي باقيه من المعكرونه المخلوطه بالبشاميل أضيف لها كوب الجبن
(تراه انا أعشق شيء أسمه جبن..في كل شيء أضيف جبن) وأخلطه ويا خليط المعكرونه والباشاميل
وأحطه فوق الحشوة..كاطبقة ثالثة

أخر خطوة قبل لا أدخل الصحن في الفرن إني أنثر عليه جبنة الموتزيلا..وكل ماكثرنا
كل ماكانت أحلى (تحب الجبن)

يميييييييييييييي
شكرا على احلى وصفة
شكرااااااا

العفووووووووو حبيبتي هذا واجبنا ونحن ماعملنا شي لسى

اها نعم انا ايضا واجبي الرد عليك اليس كذلك....